جاري تحميل ... الحياة معكم

الحياةمعكم: إذا كنت لا أستطيع أن أنقلك إلى العالم فدعني أنقل العالم إليك.

إعلان الرئيسية

الحياة معكم

إعلان في أعلي التدوينة

 كل ما يحتاج طالب الثانوية العامة معرفته.. من ساعة ما يوصل اللجنة لحد ما يخرج من الامتحان:

ماذا تفعل قبل الذهاب إلي اللجنة الآتي 

1-التابلت يبقي بالشكل دة👇

شكل التابلت اللي عندها به الامتحان 

2-لو التابلت مفتوح أو علي النظام القديم هيتسحب منك التابلت وينبغي الامتحان لحضرتك.

3- عدم وضع شريحة النت داخل التابلت نشيله من البيت يعني متروحش به الامتحان وتقول هشيله قبل الامتحان.

4- ممكن أن تجيب الكتاب المدرسي معك في الامتحان وغير مصرح بقصة الايام وكتاب القواعد اللغوية ، ودة بالنسبة لامتحان اللغة العربية واللغات الأجنبية أيضا.

5-الي التابلت بتاعه لسه ما نزلش التحديث الاخير يعمل زي الخطوات 👇دية 

1- أدخل علي نوكس

۲-دوس على علامة الشريط الجانبي الي هي 3 سطور دي 5- أقفل التابلت أعمل إعادة تشغيل بس لازم تكون متصل بواي فاي ملحوظه "لو الكتب لسة ما نزلتش عندك بكره مثلا أو استني هتنزل بس محدش يستعجل وخلي التابلت مفتوح

۳- دوس Reload

 ٤- أفضل دوس كتير كذا مرة.

5- أقفل التابلت أعمل إعادة تشغيل بس لازم تكون متصل بواي فاي ملحوظه "لو الكتب لسة ما نزلتش عندك بكره مثلا أو استني هتنزل بس محدش يستعجل وخلي التابلت مفتوح.

نصيحة الدكتور طارق شوقى للطلاب 

ان يركز الطلاب على فهم الدروس المختلفة والاستعانة بالمصادر اللتي حددناها (قناة مدرستنا ۲، منصة البث المباشر، بنك المعرفة المصري، منصة ذاكر، منصة حصص مصر) وعدم اللجوء للدروس اللتي لا تساعد على حل الاسئلة الجديدة "والاهتمام بنوعية الاسئلة في الامتحان التجريبي القادم" وعدم الانشغال بای امور فرعية مثل التابلت والبابل شيت وماشابة .

عند وصولك لجنة الامتحانات هناك بعض الأجرآت .

1- التعقيم وقياس درجة الحرارة الخاصة بك والحرص علي ارتداء الماسك الطبي .

2-: أول ما تدخل اللجنة هتستلم كمامة وكيس مطهرات.

3- يقوم الملاحظين بداية من التاسعة صباحا وحتى العاشرة صباحا قبل بداية اللجنة بفحص التابلت الخاص بكل طالب داخل اللجنة والتأكد من الصفحة الرئيسية للتابلت( صفحة واحدة ) عباره عن لوجو الوزارة في المنتصف ويليها عدد اثنين )ikon ( واحدة لتسجيل الدخول والأخرى للكتب المدرسية pdf علما بأن شكل الصفحة سيتغيركل يوم

4-تواجد الطلاب في لجنة الامتحان قبل 60 دقيقة من موعد بدء الامتحان على الأقل للانتهاء من إجراءات التأمين وفي حالة الوصول متأخرا سوف تتم كل الإجراءات التأمينية والاحترازية ويعتبر هذا من وقت الامتحان

5-: هتدخل اللجنة تستلم ورقة أسئلة وورقة بابل شيت.

6-: كل فصل (لجنة) هيكون فيه أربع نماذج امتحانات.. نفس الأسئلة لكن ترتيب الأسئلة متغير بينك وبين زميلك.

7-: ترتيب الإجابات هيكون مختلف بينك وبين زميلك.. يعني ترتيب الأسئلة مختلف وترتيب الإجابات برضو مختلف.

8-: هتلاقي رقم كود على ورقة الأسئلة اكتبه بالنص في ورقة البابل شيت.

9-: لازم تكتب رقم الكود علشان يبقى نموذج الأسئلة اللي معاك مطابق للبابل شيت بتاعك.

10-: لازم يكون معاك قلم رصاص وقلم جاف ومسطرة وأستيكة (مساحة) وبراية.

11-: استخدم المسطرة في إنك تمشي براحة في البابل شيت وتحط الإجابة قصاد نفس رقم السؤال لأن عينك ممكن تروح على السؤال اللي بعده وتعلم عليه من غير ما تاخد بالك.. هنا أهمية المسطرة.

12-: هتستخدم القلم الرصاص في تظليل رقم الإجابة اللي انت شاكك فيها، وفي الآخر تبقى ترجع لها علشان تظللها بالقلم الجاف لما تتأكد منها.

13: القلم الجاف هو الأساس في التظليل.. واتأكد إنك ظللت الدايرة كلها.

14-في حالة تلف البابل شيت لأي سبب يسمح للطالب باستبدالها بورقة جديدة على أن يتم ذلك خلال الفترة الزمنية المخصصة للامتحان مع ضرورة تحرير محضر بذلك

15: السؤال اللي تحس إنك هتاخد وقت فيه ومش عارف توصل لإجابة صحيحة من الاختيارات.. سيبه وروح للي بعده، علشان الوقت، وبعدين ابقى ارجع له تاني لما تخلص إجابة باقي الأسئلة.

16: ورقة البابل شيت هتبقى من صفحة واحدة.. يعني هتبقى عارف انت جاوبت على ايه وسايب إيه مش هتقعد تقلب في ورقة الإجابة.. لأنها ورقة واحدة زي ما قلت لك.

17-: متنساش تكتب اسم ورقم جلوس ولجنتك على ورقة الأسئلة وتكتب اسم ورقم جلوسك ولجنتك ورقم الكود في ورقة البابل شيت.

18-: لازم تسلم ورقة الأسئلة وورقة البابل شيت للمراقبين.. علشان زي ما قلت لك هيطابقوا نموذج الأسئلة بتاعك بالبابل شيت، لأن النماذج مختلفة داخل اللجنة الواحدة.

حاجات مش لازم نعملها 

1-: متحاوش تغش ولا تطلب إجابة من الطالب اللي قدامك ولا اللي وراك.. أسئلتهم ترتيبها مختلف عن ترتيب أسئلتك.. وترتيب الاختيارات عندهم مختلف عن ترتيب الإجابات عندك.. ركز في حالك ومضيعش وقت في حاجة هتضرك مش هتفيدك.

2-: الحالات اللي يحق لك دخول الدور التاني في المادة بالدرجة الكاملة.. لو مريض كورونا.. لو اللي معاك في نفس السكن (أبوك أمك أخواتك) عندهم كورونا.. لو أبوك لا قدر الله مات.. والدتك لا قدر الله ماتت.. لو حصل كارثة طبيعية.. حريق.. الطريق اتقطع ومعرفتش توصل للجنة.. حادثة.. وهكذا.. كل ده بتعمل بيه محضر رسمي في الشرطة، وتقدم طلب تقول فيه حصل لي كارثة كذا يوم كذا وكان عندي امتحان كذا.. وعايز أدخل دور تاني في المادة بالدرجة الكاملة.. حقك.

3-: نسيت أقولك إنك هتدخل امتحان المادة بالكتاب بتاع الوزارة فقط.. كتاب العربي يبقى كتاب العربي بتاع الوزارة، وهكذا.

3-: لو اتمسكت بموبايل حتى لو مقفول، هتتحسب عليك محاولة غش وهتسقط في المادة.. سيب موبايل مع المراقب.

4-: لو اتمسكت بموبايل مفتوح هتسقط في المادة وباقي المواد وهتبقى متهم بحيازة وسيلة غش وممكن تتحرم من دخول الامتحان لمدة عام.

5-: لو صورت ورقة الأسئلة ونشرتها علشان الإجابات توصل لك.. هتسقط في كل المواد ومش هتدخل الامتحان لمدة سنتين.

ملاحظة هامة جدا يجب تعرفها

 أسئلة الامتحانات تلتها للطالب المعقول وتلتها للطالب المتوسط وجزء لفوق المتوسط وجزء للمتميز.. اطمن واعمل اللي عليك وسيبها على الله.

مع خالص تمنياتي بالنجاح والتوفيق وربنا يوفقكم في الامتحانات جميعا وتكون نتيجة الامتحان راضيين عنها .


كتابة وإعداد / عزة إسلام 

التصنيفات:
تعديل المشاركة
Reactions:
ليست هناك تعليقات
إرسال تعليق

إعلان أسفل المقال